2022 жылдың 26 тамызы күні Н.Байғанин атындағы облыстық балалар кітапханасы № 45 жалпы білім беретін орта мектебінде  ҚР Конституциясы күніне арналған «Ата заңым – елімнің рухы» атты ақпарат сағатын өткізді.

     Шарада біздің бүгініміздің негізі, болаша­ғамыздың бастауы - Ата Заңымызды құрметтеп, қорғау әрбір азаматтың міндеті мен парызы екендігі жете түсіндірілді.

     Оқырмандар назарына «Алтын Заң аясында» кітап көрмесі ұсынылып, адамгершілікті өз шығармаларының туы еткен қазақ әдебиетінің көрнекті өкілдерінің шығармаларымен терең таныстырылды.

     Конституция ұғымы, тарихы, тараулары, қабылдануы және  қазіргі  қолданысы жөнінде «Сен білесің бе?»  атты слайд  көрсетіліп, оқырмандар викториналық сұрақтарға жауап берді.

     2022 жылғы 19 тамызда Нұрпейіс Байғанин атындағы облыстық балалар кітапханасы Абай гүлзарында 19 тамыз - Дүниежүзілік фотосуреттер күніне орай «Сиқырлы фото әлемі» әдеби мозаика өткізді.

     Шарада көпшілік назарына «Фотообьективте өлкеміздің өткені мен бүгіні»  кітап көрмесі ұсынылып, өлке тарихына саяхат жасалды. Жылдар белесіндегі сан қырлы өзгерістер мен талай тарихи тұлғалар шыққан, бірлігі мен ынтымағы жарасқан Ақтөбе қаласы туралы сұрақтарға жауап беріліп, жергілікті ақын-жазушылардың шығармалары насихатталды.

     2022 жылғы 19 тамызда Абай гүлзарында «KIDS BOOK FEST – 2022» фестивалі аясында біздің кітапхана «Сен білесің бе?» тақырыбында кітап көрмесін ұйымдастырды. Көрмеге кішкентай оқырмандардың білімге деген құштарлығын арттыру және табиғи құбылыстар мен әлемде болып жатқан жайттардың сырын түсінуге көмектесетін «Білімдар», «Сен білесің бе?», «Жалықтырмайтын астрономия» және тағы басқа энциклопедиялар ұсынылды. Туған жеріміздің халқын, тілі мен дәстүрін, әдебиеті мен мәдениетін тануға арналған қысқа әрі нұсқа жазылған «Сен білесің бе?» атты тарихи – этнографиялық  кітаптар топтамасы асыл мұраларымызды құрметтеуге баулиды.

     2022 жылғы 16 тамыз күні Н.Байғанин атындағы  облыстық балалар кітапханасы «Жазғы библиоэстафета» жобасы аясында «Күн астындағы Күнікей қыз» ертегісімен «Амаль» балабақшасына барды. Мектеп жасына дейінгі балалар ертегі тыңдап, ертегі кейіпкерлерінің рөлін сомдауға тырысты. «Ертегілер әлемінде» кітап көрмесіне қойылған ертегі кітаптармен танысты.

     2022 жылғы 12 тамызда Абай гүлзарында «KIDS BOOK FESТ – 2022»  фестивалі аясында біздің кітапхана «Оқимыз. Ойлаймыз. Армандаймыз.» тақырыбында кітап көрмесін ұйымдастырды. Кішкентай оқырмандарымыздың назарына ғарыш әлемі мен қоршаған ортаны танып білуге, мемлекеттер мен әлемнің керемет жерлерін түсінуге көмектесетін энциклопедиялық жинақтар ұсынылды. Балалар 365 күнге арналған «Әдеп әлемінде» әдеп әліппесі, «Правда или нет?», «First words», «АВС» английский алфавит кітаптарымен танысып, әдеби ойындарға қатысты.

     2022 жылдың 12 тамызында кітапхана Жастар күніне орай Абай гүлзарында «Жас мұраты – білім, тәлім-талабы – өнер, оқу – жастықтың қару-жарағы» атты сұхбат-кешін өткізді. Еліміздің келешегі жастардың әлеуметтік келбеттерін бағдарлап, ой-пікірлерін  саралау мақсатында ұйымдастырылған шарада еліміздің ертеңі, мемлекетіміздің жарқын болашағы білімді де, білгір жастардың қолында екендігі айтылды.

     Қоғамның қозғаушы күші болып табылатын  жастар «Жетістікке жету жолында адам бойында қандай қасиет болу керек?», «Өзге елде сұлтан болғанша, өз еліңде ұлтан бол» дегенді қалай түсінесіз?, «Қоғамымызда белсенді жастар көп пе, әлде енжар жалқау жастар көп пе?», «Қоғам дамуы үшін қандай жат қасиеттен арылуымыз керек? деген сұрақтарға жауап беріп, өз ойларын айтты.

     2022 жылғы 26 шілдеде кітапханамызда  «Тілашар» оқу орталығының оқушылары қонақта болды. 30 шілде – Халықаралық достар күніне орай  «Адал дос», «Достарды қалай таңдаймын?», «Кел, достасайық!», «Достық жоралғы» атты кітаптармен танысты. Балалар жұмбақтар шешіп, жаңылтпаштар оқыды.