2024 жылғы  27 қыркүйек күні Н.Байғанин атындағы облыстық балалар кітапханасы «Позитив» салауаттылық клубының кезекті отырысында №11 жалпы  білім беретін орта мектеп-гимназиясының 7 класс оқушыларымен «Бақытым да, байлығым да – денсаулық!» атты денсаулық жәрмеңкесін өткізді.

Шара барысында клубқа жаңа мүшелер қабылданып, клубтың бағдарламасы мен қызметі таныстырылды. Оқушыларға салауатты өмір салтын ұстану туралы ақпарат беріліп, бейне фильмдер көрсетілді. Денсаулық жәрмеңкесіне арналған қызықты квиз, денсаулық викторинасы мен спортық-көңілді мини-баскетбол ойыны өткізіліп, салауаттылық жаттығуы жасалды.

    Оқырмандар назарына «Дені сау ұрпақ-салауатты өмірдің жалғасы» атты кітап көрмесі ұсынылды.

 2024 жылғы 26 қыркүйек күні №2 жалпы білім беретін орта мектеп-гимназиясының 4 класс оқушыларына «Атадан қалған ғибрат» жобасы аясында «Қара, оқы, зердеңе тоқы» атты квиз өткізілді.

Ойынның алғашқы бөлімінде балалар сурет арқылы жасырылған мақал-мәтелдердің жауабын тапты. Келесі бөлімде балалар салт-дәстүрге байланысты сұрақтарға жауап берді. Ал қорытынды бөлімде жұмбақтар қойылып, тапқырлық пен ой ұшқырлықтарын сынап көрді.

Шарада «Оқимыз. Ойлаймыз. Армандаймыз» тақырыбында кітап көрмесі таныстырылды

2024 жылғы 26 қыркүйек күні  Еңбек күні мерекесіне арналған «Жастық! Жігер! Еңбек!» атты кітапхана ардагерлерімен, кітапхана мамандарымен кездесу кеші өткізілді.

Сырлы сұқбатқа толы болған әсерлі шарада болашақ кітапханашылар кітапхана мамандығының қыр-сырына қанықты. Кітапхана ардагерлері Р.Т.Қомпақова, А.Ж.Кимағамбетова, Г.Қ.Оразмағанбетова қоғамда елене бермейтін қарапайым кітапханашы мамандығын ұлықтап, мақтанатынын, адал еңбек еткеннің өмірі-ғибрат екенін жеткізіп, тәжірибелерімен бөлісті.

Білікті ізденімпаз жастарымыз да өздерінің кітапхана ісіне өз үлестерін қосатындарын айтып, үлкендерге ән-жырларымен құрмет көрсетті.

Ұрпақтар сабақтастығының жарасымды жалғасуының көрінісі болған кеш арқылы оқырмандарымыздың өресін биіктетуге арналған міндетімізді адал орындауға, айтылған ұсыныстарды, ортаға салынған ойларды, парасатты пікірлерді ескеріп, жұмыла жұмыс жасауға шақырылды.

18 сентября 2024 года в рамках акции «Бір ел – бір кітап» Областная детская библиотека имени Н.Байганина провела литературный вечер «Балалыққа саяхат жасаған қаламгер», посвященный творчеству Бердибека Сокпакбаева.

В ходе мероприятия гостьи вечера, учителя казахского языка и литературы, Д.Б.Муханбедиярова и К.О.Шугурова с особым трепетом рассказали о жизни и творчестве детского писателя, сумевшего взрастить целое поколение читателей в духе добродетели и нравственности, а участники вечера смогли ответить на вопросы викторины,  проанализировать и дать оценку произведениям Б.Сокпакбаева.

   Вниманию читателей была представлена книжная выставка «Шынайы азамат, шынайы жазушы».

2024 жылдың 18 қыркүйек күні Н.Байғанин атындағы облыстық балалар кітапханасы «Бір ел – бір кітап» жобасы аясында Бердібек Соқпақбаевтың шығармашылығына арналған   «Балалыққа саяхат жасаған қаламгер» атты әдеби кеш өткізді.

Кеш барысында шара қонақтары қазақ тілі мен әдебиеті мұғалімдері Д.Б.Мұханбедиярова мен К.О.Шугурова балалар әдебиеті сынды балғын әлемнің тереңіне бойлап, оқырмандарын жақсылыққа қайрай білген жалынды жазушының өмірі мен шынайы шығармаларына терең тоқталса, оқырмандар өз ойларын білдіріп, тапсырмалар орындау арқылы білімдерін жетілдіре түсті.

         Ұ.Құлымбетов атындағы №64 орта мектептің 6 класс оқушылары жазушының «Менің атым Қожа» шығармасынан сахналық қойылым көрсетіп,  қазақ баласының сыпайы да сотқар қылығы, сынық мінезімен қатар еркін ойлы, креативті бала екендігін жеткізді.

Оқырмандар назарына  «Шынайы азамат, шыншыл жазушы» атты кітап көрмесі ұсынылды.

2024 жылдың 12 қыркүйек күні Н.Байғанин атындағы облыстық балалар  кітапханасы № 62  жалпы білім беретін орта мектебінде «Шешен сөздің шебері Әйтеке» тәрбие сағатын өткізді. Шара барысында бейне фильм көрсетіліп, қазақ тарихындағы Әйтеке бидің орнын келешек ұрпақтың санасына сіңіріп, тағзым етілді.

Оқырмандар Әйтеке бидің  кісілік, адамгершілік,  туысқандыққа бағытталған даналық сөздерін жатқа айтып, сұрақтарға жауап беріп, нақыл сөздерін талдап, өзара сайысқа түсті.

    Оқырмандар назарына «Даланың дархан данасы» кітап көрмесі ұсынылды.