Новости
«В мире чистоты»
- Подробности
- 22

19 ақпан күні Н.Байғанин атындағы облыстық балалар кітапханасы № 22 орта мектебінде «Позитив» салауаттылық клубының кезекті отырысында «В мире чистоты» денсаулық сағатын өткізді.
Шара барысында оқушылардың пікірлерін тыңдай отырып, жастардың денсаулығы - ел дамуының аса маңызды тұтқасы екендігін және адамзат денсаулығын сақтаудың басты шарты – дұрыс тамақтану, жеке бас гигиенасын сақтай білуге, салауатты өмір салтын берік қалыптастыру, жеке тұлғаның санасын дамыту, зиянды нәрселерден аулақ болуға шақырылды.
Клуб мүшелері викториналық сұрақтарға жауап беріп, анаграммалар шешіп, мақал-мәтелдер айтып, өзара жарысқа түсіп, шараға белсене қатысты.
«Балалық шаққа саяхат»
- Подробности
- 81

2024 жылғы 18 қаңтарда «Бір ел-бір кітап» республикалық акциясы аясында қазақ балалар әдебиетінің классигі, жазушы Б. Соқпақбаевтың шығармашылығын насихаттау мақсатында Н.Байғанин атындағы облыстық балалар кітапханасының оқырмандары жазушының «Балалық шаққа саяхат» повесіне әдеби талдау жасады. Талдау барысында «Топтастыру», «Тамшыдағы сұраққа жауап бер», «Құпия сөз», «Шығармадан үзінді айт», «Кейіпкерді тап» атты тапырмалар ұсынылды. №2 ЖОББ мектеп-гимназияның 3 сынып оқушылары шығармадан алған әсерлерімен бөлісіп, үзінділерді жарыса жатқа оқыды. «Балалар әдебиетінің бәйтерегі» атты кітап көрмесіне библиографиялық шолу жасалды.
«Ертегілер елінде»
- Подробности
- 19

2024 жылғы 15 ақпан күні Н.Байғанин атындағы облыстық балалар кітапханасында «Атадан қалған ғибрат» жобасы аясында «Ертегілер елінде» дауыстап оқу шарасы өткізілді.
Шараға Қазақ аналары "Дәстүрге жол" қоғамдық бірлестігінің Ақтөбе облыстық филиалының мүшесі Құлекенова Күлаш әжеміз бен №41 «Назерке» бала-бақшасының бүлдіршіндері қатысты.
Мектеп жасына дейінгі балалар «Түлкі, мысық, әтеш» ертегісін қоюға белсенді қатысып, ертегі кейіпкерлерінің рөлдерін сомдады.
Шара барысында Күләш әжеміз «Жыл басына таласқан хайуанаттар» ертегісін дауыстап оқып берді. Кішкентай ізденімпаздар қызықты ойындар ойнап, №68 Ж.Ташенов атындағы ЖББОМ оқушыларының орындауында «Ертегілер елінде» әнімен шара өз мәресіне жетті.
«Сыбайлас жемқорлыққа қарсы білім және бала тәрбиесі»
- Подробности
- 51

2024 жылғы 11 қаңтар күні Н.Байғанин атындағы облыстық балалар кітапханасы «КітапҰstar» жобасы аясында жас ұрпақтың бойында әділдік, адалдық қасиеттерін күшейтіп, жемқорлыққа қарсы сананы қалыптастыру мақсатында «Сыбайлас жемқорлыққа қарсы білім және бала тәрбиесі» атты ақпарат сағатын өткізді.
Шара қонағы Ақтөбе облысы бойынша сыбайлас жемқорлыққа қарсы бірінші медиа-орталығы филиалының басшысы Әсел Сағынғалиқызы Мұстафина жас буынға сыбайлас жемқорлық ел болашағына, ұлттық қауіпсіздікке үлкен кесірін тигізетін айта келе, оған қарсы сана қалыптасқан жағдайда әр адам адамгершілікке жат қылықтардан бойын аулақ ұстайтынын, заңға қайшы келетін әрекеттерді жасауға жол бермейтіндігін жеткізіп, орталықтың атқарып отырған жұмыстары мен жоспарларымен бөлісіп, оқырмандардың сұрақтарына жауап берді.
Оқырмандар назарына тақырыптық кітап көрмесі ұсынылып, библиографиялық шолу жасалды.
«Қазақ киносының саңлағы»
- Подробности
- 20

2024 жылғы 30 қаңтар күні Н.Байғанин атындағы облыстық балалар кітапханасы Шәкен Аймановтың туғанына 110 жыл толуына орай «Қазақ киносының саңлағы» АRT-сағатын өткізді.
Шарада қазақ өнерінің шоқтығы биік тұлғасы, талантты актері әрі режиссері Шәкен Аймановтың өмірі мен шығармашылық жолы, театр және кино өнеріне қосқан өшпес үлесі жайында ақпарат берілді.
Шараға Тахауи Ахтанов атындағы облыстық драма театрының құрметті ардагерлері Мағзом Сәпиұлы Бақытжанов, зайыбы Шалқия Ауғанбайқызы, «BatysFilm» киностудиясының продюсері Сұлтанов Қайрат және режиссер Тлеужан Данияр қатысты. Шара қонақтары арада ұзақ жылдар өтсе де, Шәкен Аймановтың әрбір сөзі, әрбір естелігі әлі күнге бүгінгі ұрпағына өнеге екендігін және әр өнер адамы Шәкеновте бар қасиеттерді бойына дарыта білсе, бұл ел өнеріне үлкен мерей екендігін айтып өтті. Кино саласына қызығушылық танытқан оқушылар өз көкейлеріндегі сұрақтарға жауап алып, пікірлерімен бөлісті.
Оқырмандар назарына «Кино – кітап арқылы ашылған сырлы әлем» кітап көрмесі ұсынылды.
«Адамзаттың тал бесігі табиғат»
- Подробности
- 15

2023 жылғы 14 желтоқсан күні Н.Байғанин атындағы облыстық балалар кітапханасы «Жасыл әлем» клубының мүшелері мен кітапхана оқырмандары арасында ұйымдастырылған «Адамзаттың тал бесігі табиғат» тақырыбында эссе сайысын қорытындылады.
23.11-12.12.23 жыл аралығында өткен сайысқа Б.Момышұлы атындағы №62 ЖББОМ, М.Құрманғалиева атындағы № 32 ЖББОМ, І.Есенберлин атындағы №15ЖББОМ, Ж.Ташенов атындағы №68 ЖББОМ, Қазанғап атындағы балалар өнер мектебінің 5-сынып оқушылары қатысты.
Эссе сайысының жеңімпаздары:
І орын : Еркем Бекеева – Бауыржан Момышұлы атындағы №62 ЖББОМ Өркенқызы;
ІІ орын: Гүлдана Нысанбай – Қазанғап атындағы балалар өнер мектебі;
ІІІ орын: Әділова Жұлдызай – Ж.Ташенов атындағы №68 ЖББОМ
Шара барысында балалар «Сен білесің бе?», «Сөздікпен жұмыс», «Сөзжұмбақ шешу» тапсырмаларын орындады.
«Жеріңді аяла, адамзат!» кітап көрмесіне библиографиялық шолу жасалды.
