Новости
«Абайлаңыз, балалар!»
- Подробности
- 10
Н. Байғанин атындағы облыстық балалар кітапханасында «Абайлаңыз, балалар!» атты квиз өткізілді. Оған Ғ. Ақтаев атындағы мектеп-гимназияның 4 сынып оқушылары белсенді қатысты. Ойын барысында балалар жол тәртібін біліп қана қоймай, жаяу жүргіншілердің жолдан өту кезіндегі қауіпсіздігі туралы QUIZ сұрақтарына жауап берді. Ойын өте қызықты, әрі тартысты болып, сұрақтарға нақты жауап берді. Квиз қорытындысында оқырмандар «Тоқта», «Дайындал», «Жол ашық» атты сөздермен қорытынды сөйлем құрастырып, өз ойларын ортаға салды. Шара соңында «Бағдаршам сенімді серігің» кітап көрмесі ұсынылды .
«Қолөнер-сырлы өнер»
- Подробности
- 15
2024 жылғы 10 сәуір күні Н.Байғанин атындағы облыстық балалар кітапханасы «АРМАН. ЖІГЕР. ЖЕТІСТІК» жобасы аясында «Қолөнер-сырлы өнер» атты қолөнершілермен сыр-сұхбат өткізді.
Шара қонақтары №57 орта мектебінің еңбек және технология пәні мұғалімі Асанғали Базарғалиұлы Жанпейісов пен Ақтөбе жоғары политехникалық колледжінің тарих пәнінің оқытушысы Сандыбай Санат Өтепбергенұлы адам өмірінде өзіне ыңғайлы, қолынан келетін істі істесе, еңбегінің өзіне де, еліне, халқына пайдасы берекелі болатындығы туралы және адамдарға рухани ләззат әкелетін өнердің бұрынғы келбетін бүгінгі күнге табиғи етіп жаңартып, келешегіміздің нәрлі қайнарына айналдыруды, ұлттық өнер мұраларын сақтап, сұрыптап, ұлттық мәдениетімізді қолданбалы сәндік қолөнермен өркендетудің маңыздылығы туралы терең әңгіме қозғады.
Оқырмандарда өз ойларымен бөлісіп, адам өз мақсатына ерінбей еңбек еткенде ғана қол жеткізе алатынына көз жеткізді.
«Аспан әлеміне саяхат»
- Подробности
- 6
12 сәуір – Халықаралық авиация және ғарышкерлер күні. Осы күнге орай Н.Байғанин атындағы облыстық балалар кітапханасы №52 негізігі білім беретін мектептің 3-сынып оқушыларымен «Аспан әлеміне саяхат» тақырыбында ғарыштық саяхат сағатын Ақтөбе облыстық планетарий әлеміне саяхат жасады. Саяхатымыз адамзаттың ғарышты игеру тарихын жан-жақты таныта білуге арналған.
«Ғарыш – сиқырлы, сырлы әлем» атты кітап көрме-ақпарат ұйымдастырылды. Кітап көрмесіне Т.Әубәкіровтың, Т.Мұсабаевтың, А.Айымбетовтың, Ю.Гагариннің өмірі, еңбек жолдары туралы, ғарыш техникасының дамуы т.б. кітапхана қорындағы ғарыш тақырыбындағы кітаптар және мерзімді басылымдар беттеріне шыққан мақалаларға шолу жасалды.
Оқырмандар, Ақтөбе облыстық планетарийінің қызметкерлері ұйымдастырған «Квиз» ойынына қатысып, жүлделі орындармен сыйлықтарға ие болды.
«Мен ғарышкер боламын!»
- Подробности
- 5
12 сәуір – адам баласының ғарышқа алғаш рет ұшқан күніне орай Н.Байғанин атындағы облыстық балалар кітапханасы № 21 «Кәусарбұлақ» бөбекжай балабақшасы «Сұңқар» даярлық тобындағы бүлдіршіндерге «Мен ғарышкер боламын!» тақырыбында ғарыш әлеміне саяхат жасады
«Ғарыш – сиқырлы, сырлы әлем» атты кітап көрмесі ұйымдастырылды. Кітап көрмесіне Т.Әубәкіровтың, Т.Мұсабаевтың, А.Айымбетовтың, Ю.Гагариннің өмірі, еңбек жолдары туралы, ғарыш техникасының дамуы т.б. кітапхана қорындағы ғарыш тақырыбындағы кітаптар және мерзімді басылымдар беттеріне шыққан мақалаларға шолу жасалды.
Балаларға, планета атаулары жасырылды, қызықты ойындар ойнатылды.
«Мы за здоровый образ жизни!»
- Подробности
- 6
8 сәуір күні Н.Байғанин атындағы облыстық балалар кітапханасы І.Есенберлин атындағы №15 орта мектебінде «Позитив» салауаттылық клубының кезекті отырысы: «Мы за здоровый образ жизни!» денсаулық сағатын өткізді.
Шарада клуб мүшелерін екі топқа бөліп, ойын-сұрақтар, тапсырмалар және дене жаттығулары арқылы жаңа ғасыр азаматы – дені сау, рухани бай адам екенін түсіндіре отырып, салауатты өмір салтына ынталандырылды.
Оқырмандар назарына «Здоровье - ключ к успеху» кітап көрмесі ұсынылды.
«Биік тұғырдағы талант»
- Подробности
- 14
2024 жылғы 4 сәуір күні Н.Байғанин атындағы облыстық балалар кітапханасы Сағи Жиенбаевтың, Тобық Жармағамбетовтің туғандарына 90 жыл толуына орай «Биік тұғырдағы талант» атты әдеби жәрмеңке өткізді.
Қазақ әдебиетінде жарқырап жанған қос таланттың шығармаларын насихаттау мақсатында өткізілген шараға С.Жиенбаев атындағы облыстық жасөспірімдер кітапханасының жасөспірімдерге қызмет көрсету бөлімі меңгерушісі Сұлтанбекова Лаура Ерікқызы, №31 орта мектептің қазақ тілі мен әдебиеті пәні мұғалімі Орынай Бижанқызы Идрисова және №52 негізгі мектептің қазақ тілі мен әдебиеті пәні мұғалімі Аққаным Әлиқызы Кенжешева қатысып қаламгерлердің өмір жолдары, шығармашылықтары туралы терең сөз қозғады.
№31, №52 мектептің жоғарғы класс оқушылары Т.Жармағамбетовтың «Отамалы» шығармасынан түйген өз ойлары мен ондағы кейіпкерлердің іс әрекеттері жайында пікірлерін ортаға салса, «Желкен» әдеби клубының мүшелері С.Жиенбаевтың сырға толы жырларын жатқа оқыды.
Оқырмандар назарына «Биік тұғырдағы талант», «Қазақтың сыршыл ақыны» атты кітап көрмелері ұсынылды.