Новости
«Әке шаңырақтың тірегі»
- Подробности
- 5
2024 жылғы 14 маусымда әкелер күніне орай «Әке шаңырақтың тірегі» ертеңгілік өткізілді.
Шараның мақсаты: әке мен бала арасында бір–біріне деген сүйіспеншілік пен тығыз қарым–қатынас қалыптастыру.
Шараға кітапхананың тұрақты оқырмандары Бүркітбай Панасұлу әкесі Нұркен Бүркітбайұлымен, Байқазақ Айшабибі әкесі Медет Байқазақұлымен, Дәрменов Елдос әкесі Үсен Дәрменұлымен, Жанай Риана әкесі Жанболат Жанайұлымен бірге қатысып, отбасындағы әкенің орны, үлгі-өнегесі туралы ойларымен бөлісті.
Шараға қатысушылар балалармен бірге «Бес саусақ», «Бейнені жалғастыр» ойындарын ойнап, қызықты сұрақтарға жауап берді. №15 «Жидек» балабақшасының бүлдіршіндері әкеге арнап ән мен жырдан шашу шашты.
Оқырмандарға «Бақытты отбасы» атты кітап көрмесі таныстырылды.
«Табиғатты қорғау – болашақты ойлау»
- Подробности
- 5
2024 жылғы 7 маусым күні «Кітап фестивалі - 2024» шарасы аясында «Табиғатты қорғау – болашақты ойлау» экологиялық шеру өткізілді.
Экологиялық шеруге Н.Байғанин атындағы облыстық балалар кітапханасының «Жасыл әлем» экологиялық клубының мүшелері, М.Мақатаев атындағы №73 ЖББОМ, Ж.Ташенов атындағы №68 ЖББОМ, Х. Доспанова атындағы №14 орта мектеп, М. Құсайынов атындағы дарынды балаларға арналған мамандандырылған лицей-интернатының, №2 мектеп-гимназиясының оқушылары қатысты.
Қалалық мәдениет үйінің Халықтық ұжымының «Сұңқар» вокалды ансамблінің, «Кристалл» тобының, «Әлия Қазақ би» ансамблінің, Ж.Ташенов атындағы №68 ЖББОМ, М.Мақатаев атындағы №73 ЖББОМ-ң өнерлі балалары «Болашағы біз елдің» мерекелік бағдарламасын ұсынды.
Балалар мен жасөспірімдер шығармашылығы орталығының бейнелеу өнері бөлімінің меңгерушісі Нұрберген Рахматов «Табиғат – сен – тіршілік тұнып тұрған» шеберлік сағатын, №31 орта мектебінің қазақ тілі және әдебиет пәнінің мұғалімі, «Шолпы» қыздар клубының жетекшісі Орынай Бижанқызы Идрисова «Оюлар сөйлейді» тақырыбында дефиле өткізді.
«Табиғатты қорғауға шақырамыз!» алаңында М.Құсайынов атындағы мамандандырылған лицей интернатының оқушылары өлең оқыса, №2 мектеп-гимназиясының жас экологтары сахналық көрініс көрсетіп, табиғатты қорғауға шақырса, М.Мақатаев атындағы №73 ЖББОМ-ң оқушылары әсем биімен қортындылады.
«Біз бақытты баламыз еркелеген, Тыңдап өсейік, ән мен күй, ертегі, өлең!»
- Подробности
- 5
2024 жылғы 6 маусым күні «Кітап фестивалі - 2024» шарасы аясында «Біз бақытты баламыз еркелеген, Тыңдап өсейік, ән мен күй, ертегі, өлең!» айдарымен өтті.
Шара ақын, Қазақстан Республикасы Жазушылар одағының Ақтөбе облыстық филиалы директорының орынбасары Гүлімай Әбішқызы құттықтау сөзімен ашылды.
«Айсын» радиожурналистика мектебінің оқушылары «Балалар ақыны – болашақ ұрпақтың ұстазы» Гүлімай Әбішқызының жырларын жатқа оқыды.
Кітапхананың белсенді оқырмандары «Біз бақытты баламыз еркелеген, Тыңдап өсейік, ән мен күй, ертегі, өлең!» атты әдеби косплейін ұсынды.
«Капоэйра» афро-бразилиялық жекпе-жек өнері үйірмесінің жаттықтырушысы Ерлан Қабылбайұлы Білісбаев өз шәкірттерімен бірге өнер көрсетті
Жас қаламгерлер Айбат Бек, Әбуов Азамат, Наурызалина Злиқа, Мұханов Жаңажол, Шынберген Аяжан, Жанкеева Жанерке, Махамбет Аян, Көпбергенов Айсұлтан қатысуымен «Жас талант - жаңа тыныс» атты жыр-пати өткізіліп, әрі қарай «Желкен» әдеби клубының мүшелері, кітапхананың өнерлі оқырмандарымен «Арманы биік балалар» әдеби-сазды бағдарламасымен өз жалғасын тапты.
Сонымен қатар «Өлең – менің өзім және мекенім...» ақын, Қазақстан Жазушылар одағының мүшесі Гүлжайнар Қалдинамен кездесу кеші өткізіліп, оқырмандар еркін сұқбаттасты. Ақтөбе гуманитарлық және көлік, байланыс және жаңа технологиялар колледжінің студенттері ақынның шығармаларынан жыр шашып, ақын мен оқырмандар «қайым» айтысында сөз жарыстырды.
«Балалар әлемі – өзгеше әлем» ойын алаңында «Менің сүйікті кітабым», «Кім жылдам?» «Ойлы болсаң, озып көр» ойындар ойнатылып, «Ертегілер әлемінде» атты кітап көрмесі ұсынылды.
«Ел рәміздері – еркіндік нышаны»
- Подробности
- 9
4 маусым Қазақстан Республикасының мемлекеттік рәміздер күні. Осыған орай Н. Байғанин атындағы облыстық балалар кітапханасында «Ел рәміздері – еркіндік нышаны» атты патриоттық сағат өткізілді. Оған №15 Жидек балабақшасының бүлдіршіндері қатысты. Шара Қазақстан Республикасының мемлекеттік әнұранымен ашылды. Балаларға рәміздер туралы ақпарат беріліп, сұрақ-жауап ойыны ойнатылды. Кішкентай бүлдіршіндеріміз тақпақ айтып, «Біз Отанның бөбегі!» әнін хормен орындады. «Рәміздер – елімнің мақтанышы» кітап көрмесі ұсынылып, бүлдіршіндерге таныстырылды.
«Жаралы жылдар»
- Подробности
- 5
2024 жылғы 30 мамыр күні Н.Байғанин атындағы облыстық балалар кітапханасы саяси қуғын-сүргін құрбандарын еске алу күніне арналған «Жаралы жылдар» тағзым кешін өткізді.
Мақсаты: Азаттық жолында және қуғын-сүргін қасіретінен құрбан болған бабаларымызды еске алу, рухына тағзым ету. Өткен тарихымыздан тағылым ала отырып, оқырмандарға кітап арқылы тарихи шындықты жеткізу.
Шара қонақтары облыстық Ақсақалдар кеңесінің төрағасы, облыстық «Қазақ тілі қоғамының» төрағасы Рахиев Роман Рахиұлы, "Өрлеу" біліктілкті арттыру ұлттық орталығының филиалы Ақтөбе облысы бойынша кәсіби даму институты кітапханасының бас маманы Ермекова Нұргүл Нұрдәулетқызы, М. Бөкенбаев атындағы Ақтөбе заң институтының имидждік жұмыс және ішкі коммуникациялар бөлімінің инспекторы, полиция аға лейтенанты Бекет Айсұлтан зұлмат жылдардың жаңғырығы мен ұлт басына түскен қасіретті кезең туралы терең әңгіме қозғап, өткенді ескермей болашақты құру мүмкін еместігін айтып, зобалаң жылдарды бүгінгі ұрпақтың санасына ұялатты.
Шараға М. Бөкенбаев атындағы Ақтөбе заң институтының оқу тыңдаушылары, Ақтөбе гуманитарлық колледжінің студенттері қатысты.
Оқырмандар назарыңа «Саясат құрбандары – қасірет куәгерлері» кітап көрмесі ұсынылды.
«Нұрпейіс атты дауыл – жыр!»
- Подробности
- 4
2024 жылғы 22 мамыр күні Халық ақыны Нұрпейіс Байғанин шығармаларын насихаттау мақсатында ұйымдастырылған «Нұрпейіс атты дауыл – жыр!» облыстық байқауы қорытындыланды.
Байқау «Байғанин шығармасына иллюстрация» және «Байғанин оқулары» номинациялары бойынша өткізілді. «Байғанин шығармасына иллюстрация» номинациясы бойынша 35 бала қатысса, «Байғанин оқулары» номинациясы бойынша 14 бала бақ сынады.
Байқауға №9 орта мектеп гимназиясының көркем еңбек және өнер пәнінің мұғалімі Идрисов Аслан Куаншкалиевич, қалалық көркемсурет мектебінің тәрбие жөніндегі орынбасары Малышева Елена Николаевна, «Едіге» жыр мектебінің жетекшісі Әділбек Сарин, Балалар мен жасөспірімдер шығармашылығы орталығының әдіскері Айзада Дүйсенбаева, «Айсын» радиожурналистика мектебінің жетекшісі Айсын Байтақова қазылық етіп, жеңімпаздарды анықтады.
Кеңес қорытындысы бойынша жеңімпаздар:
«Байғанин шығармасына иллюстрация» номинациясы бойынша:
1-орын – Әділбек Камар – Ойыл ауданы
2 орын – Нұрлан Адина – Шалқар ауданы
Есенғали Аймерей – Хромтау ауданы
3 орын –Ұлықпан Ақерке - Темір ауданы
Джолдасбаева Асель - Мәртөк ауданы
«Байғанин оқулары» номинациясы бойынша:
1-орын – Шайқы Жанбөпе - Темір ауданы;
2 орын – Қуанаева Айсезім - Ойыл ауданы;
Аманғалиев Ернар - Шалқар ауданы;
3 орын – Қабиболла Інжу - Алға ауданы;
Бұқарбай Әлихан - Мұғалжар ауданы.
Сонымен қатар ынталандыру сыйлықтары табысталды.