Новости
«Сыбайлас жемқорлыққа қарсы білім және бала тәрбиесі»
- Подробности
- 18
2024 жылғы 11 қаңтар күні Н.Байғанин атындағы облыстық балалар кітапханасы «КітапҰstar» жобасы аясында жас ұрпақтың бойында әділдік, адалдық қасиеттерін күшейтіп, жемқорлыққа қарсы сананы қалыптастыру мақсатында «Сыбайлас жемқорлыққа қарсы білім және бала тәрбиесі» атты ақпарат сағатын өткізді.
Шара қонағы Ақтөбе облысы бойынша сыбайлас жемқорлыққа қарсы бірінші медиа-орталығы филиалының басшысы Әсел Сағынғалиқызы Мұстафина жас буынға сыбайлас жемқорлық ел болашағына, ұлттық қауіпсіздікке үлкен кесірін тигізетін айта келе, оған қарсы сана қалыптасқан жағдайда әр адам адамгершілікке жат қылықтардан бойын аулақ ұстайтынын, заңға қайшы келетін әрекеттерді жасауға жол бермейтіндігін жеткізіп, орталықтың атқарып отырған жұмыстары мен жоспарларымен бөлісіп, оқырмандардың сұрақтарына жауап берді.
Оқырмандар назарына тақырыптық кітап көрмесі ұсынылып, библиографиялық шолу жасалды.
«Қазақ киносының саңлағы»
- Подробности
- 7
2024 жылғы 30 қаңтар күні Н.Байғанин атындағы облыстық балалар кітапханасы Шәкен Аймановтың туғанына 110 жыл толуына орай «Қазақ киносының саңлағы» АRT-сағатын өткізді.
Шарада қазақ өнерінің шоқтығы биік тұлғасы, талантты актері әрі режиссері Шәкен Аймановтың өмірі мен шығармашылық жолы, театр және кино өнеріне қосқан өшпес үлесі жайында ақпарат берілді.
Шараға Тахауи Ахтанов атындағы облыстық драма театрының құрметті ардагерлері Мағзом Сәпиұлы Бақытжанов, зайыбы Шалқия Ауғанбайқызы, «BatysFilm» киностудиясының продюсері Сұлтанов Қайрат және режиссер Тлеужан Данияр қатысты. Шара қонақтары арада ұзақ жылдар өтсе де, Шәкен Аймановтың әрбір сөзі, әрбір естелігі әлі күнге бүгінгі ұрпағына өнеге екендігін және әр өнер адамы Шәкеновте бар қасиеттерді бойына дарыта білсе, бұл ел өнеріне үлкен мерей екендігін айтып өтті. Кино саласына қызығушылық танытқан оқушылар өз көкейлеріндегі сұрақтарға жауап алып, пікірлерімен бөлісті.
Оқырмандар назарына «Кино – кітап арқылы ашылған сырлы әлем» кітап көрмесі ұсынылды.
«Адамзаттың тал бесігі табиғат»
- Подробности
- 4
2023 жылғы 14 желтоқсан күні Н.Байғанин атындағы облыстық балалар кітапханасы «Жасыл әлем» клубының мүшелері мен кітапхана оқырмандары арасында ұйымдастырылған «Адамзаттың тал бесігі табиғат» тақырыбында эссе сайысын қорытындылады.
23.11-12.12.23 жыл аралығында өткен сайысқа Б.Момышұлы атындағы №62 ЖББОМ, М.Құрманғалиева атындағы № 32 ЖББОМ, І.Есенберлин атындағы №15ЖББОМ, Ж.Ташенов атындағы №68 ЖББОМ, Қазанғап атындағы балалар өнер мектебінің 5-сынып оқушылары қатысты.
Эссе сайысының жеңімпаздары:
І орын : Еркем Бекеева – Бауыржан Момышұлы атындағы №62 ЖББОМ Өркенқызы;
ІІ орын: Гүлдана Нысанбай – Қазанғап атындағы балалар өнер мектебі;
ІІІ орын: Әділова Жұлдызай – Ж.Ташенов атындағы №68 ЖББОМ
Шара барысында балалар «Сен білесің бе?», «Сөздікпен жұмыс», «Сөзжұмбақ шешу» тапсырмаларын орындады.
«Жеріңді аяла, адамзат!» кітап көрмесіне библиографиялық шолу жасалды.
«Тарих. Тағылым. Тәуелсіздік»
- Подробности
- 7
2023 жылғы 12 желтоқсанда Н.Байғанин атындағы облыстық балалар кітапханасы ҚР Тәуелсіздік күніне арналған «Тарих. Тағылым. Тәуелсіздік» патриоттық кеш ұйымдастырды.
Қазақ халқының тәуелсіздік жолындағы ерлік күресін құрметтеп, қастерлей білуге тәрбиелеу мақсатында ұйымдастырылған шарада тәуелсіздік жолының құндылығымен, қиын өткелдерден өткен еліміздің бүгінгі жетістіктері жөнінде терең түсінік берілді.
Шара қонақтары «Желтоқсан алауы» қоғамдық бірлестігі мүшесі Маржанай Смағұлқызы Қалжанова және Ақтөбе Облыстық жастар ресурстық орталығының қызметкері Заманай Қайнарұлы елдің біртұтастығы мен тыныштығын сақтау үшін жасалып жатқан игі істер мен ел жетістіктері туралы әңгімелеп, оқырмандарды саналы да, салауатты қоғамда адалдықты ту еткен алғыр ойлы азамат болуға шақырды.
Кітапхананың белсенді оқырмандары «Көк байрақ мәңгі бақи желбіресін!» мерекелік сазды бағдарламасын ұсынды.
«Тарих. Тағылым. Тәуелсіздік»
- Подробности
- 6
2023 жылғы 12 желтоқсанда Н.Байғанин атындағы облыстық балалар кітапханасы ҚР Тәуелсіздік күніне арналған «Тарих. Тағылым. Тәуелсіздік» патриоттық кеш ұйымдастырды.
Қазақ халқының тәуелсіздік жолындағы ерлік күресін құрметтеп, қастерлей білуге тәрбиелеу мақсатында ұйымдастырылған шарада тәуелсіздік жолының құндылығымен, қиын өткелдерден өткен еліміздің бүгінгі жетістіктері жөнінде терең түсінік берілді.
Шара қонақтары «Желтоқсан алауы» қоғамдық бірлестігі мүшесі Маржанай Смағұлқызы Қалжанова және Ақтөбе Облыстық жастар ресурстық орталығының қызметкері Заманай Қайнарұлы елдің біртұтастығы мен тыныштығын сақтау үшін жасалып жатқан игі істер мен ел жетістіктері туралы әңгімелеп, оқырмандарды саналы да, салауатты қоғамда адалдықты ту еткен алғыр ойлы азамат болуға шақырды.
Кітапхананың белсенді оқырмандары «Көк байрақ мәңгі бақи желбіресін!» мерекелік сазды бағдарламасын ұсынды.
«Таңбалы тарих-таңдаулы тұлға»
- Подробности
- 5
2023 жылғы 8 желтоқсан күні №13 орта мектебінде қазақ әдебиетінің классигі, Қазақстанның Мемлекеттік сыйлығының лауреаты, жазушы, драматург, сыншы, аудармашы Тахауи Ахтановтың 100 жылдығына арналған «Таңбалы тарих-таңдаулы тұлға» тақырыбында ғылыми-практикалық конференция өтті. Жазушының өмірі мен шығармашылығы арқылы жас ұрпақты білімге, ілімге, әдебиетке деген құштарлығын ояту мақсатында өткен шараға Н.Байғанин атындағы облыстық балалар кітапханасы «Шырағы сөнбеген қаламгер» атты кітап көрмесін ұсынып, библиограф Қуаныш Гүлдана библиографиялық шолу жасады. «Ақиқаттың алдаспаны» бағыты бойынша кітапхана қызметкерлері Қуаныш Гүлдана және Өтесова Гүлназ Ақтөбе қалалық «Әдістемелік кабинет» КММ директоры А.Сулейменованың Алғыс хатымен марапатталды.