2022 жылғы 15 наурыз күні Н.Байғанин атындағы  облыстық балалар кітапханасы № 62 Бауыржан Момышұлы атындағы жалпы білім беретін орта мектебінде «Табиғат, сен – тіршілік, тұнып тұрған, Сен – күнсің, көтерілген күліп қырдан ...» эко-әдеби  керуенін өткізді

     Шарада халықтың көңіл-күйін, сүйініші мен күйінішін табиғаттың ішкі иірімдерін сіңіре отырып жазылған көркем шығармалар арқылы оқырмандарға  қоршаған орта туралы түсінік беріліп, табиғатты қорғап, аялай білуге шақырды.

     «Табиғатым- байлығым» атты кітап көрмесі ұйымдастырылып, библиографиялық шолу ұсынылды.

     2022 жылғы 14 наурыз күні Н.Байғанин  атындағы облыстық балалар кітапханасы «Наурыз — мәңгілік ел салтанаты»  атты мерекелік шара өткізді.

     Шараның құрметті қонақтары қазанғаптанушы, күйші, «Ерен еңбегі» үшін медалінің иегері, ҚР Еңбек сіңірген қайраткері Жайлау Асылханов, ҚР Мәдениет, өнер және ақпарат саласы қызметкерлерінің салалық кәсіподағының Ақтөбе филиалының төрайымы Назира Табылдинова, облыстық планетарий директоры Қорлан Бөлеков, Мәдениет саласының үздігі, «Еңбек даңқы» төсбелгісінің иегері Алмагүл Сарыбай және  өлкетануға елеулі үлес қосып, ұлттық тәрбиені насихаттап жүрген №31орта мектебінің мұғалімі Орынгүл Идрисова қатысып, салт-дәстүр, әдет-ғұрыптардың маңызы мен мәнін ашып, тарих қойнауында қалған ескірген дәстүрлер жайлы тағылымды әңгімелерін айтып, Амал күнімен құттықтап,  ақ баталарын беріп, өскелең ұрпақты халық өнегесін қадірлеп, сақтауға шақырды. Шарада көне дәстүрлеріміздің бірі, жастарға арналған  ақыл, өнеге, өсиет, тағылымды сөздерге толы – «Аушадияр»   дәстүрі жаңғырып, мерекелік сазды бағдарлама және «Әз Наурыз, елге нұр жауғыз» кітап көрмесі ұсынылды.

      Н.Байғанин атындағы  облыстық балалар кітапханасы 2022 жылғы 3 наурыз күні 8 наурыз Халықаралық әйелдер мерекесіне орай «Анаммен әлем әдемі...» атты мерекелік шара өткізілді.

      Шараға Ақтөбе өңірінен шыққан estethom.kz брэндінің авторы Раушан Нұрлыбайқызы қатысып, 4 сынып оқушыларын өз қолөнерімен жақынырақ таныстырды. Мастер-класс өткізіп қыз балалардың қолөнерге деген қызығушылықтарын арттырды. «Ақбөбек» білім беру орталығының оқушылары аналарға арнап өлең шумақтарын оқыса, «Талант студио» шығармашылық мектебінің өнерпазы Сагиндыков Ислам ақ жаулықты аналарға және  барлық нәзік жандыларға арнап ән шырқады.

     2022 жылғы 2 наурыз күні Н.Байғанин атындағы облыстық балалар кітапханасы ақын Сәбит Баймолдиннің туғанына 80 жыл толуына арналған «Шындықты қанат етіп қаламына» жыр кешін өткізді.

    Кітапхана оқырмандары ақын, Қазақстан Жазушылар одағының мүшесі ақын Ертай Ахатұлы Ашықбаевтың және ақынның қызы Лаззат Баймолдинаның әңгімелері арқылы ақынның шыншылдыққа, азаматшылдыққа үндейтін шығармашылығымен, оқырманды ойлылығымен, шынайылығымен баурайтынын өлеңдерімен тереңірек танысты.

    «Zoom»  платформасы арқылы ақынның  Алматы қаласында тұратын жары және балалары, ақын, филология ғылымдарының докторы Бауыржан Жақып оқырмандармен сұхбаттасып,  ақынның өмірі туралы естеліктерімен бөлісті.

    «Желкен» әдеби клубының мүшелері «Ақынның өлмес бақыты – өлең!» әдеби монтажын ұсынды.

    «Өмірім... Өрнектелсін өлеңіммен» атты кітап көрмесіне библиографиялық шолу жүргізілді.

     Шараға «Желкен» әдеби клубының мүшелері, №31, №65, №2, №42  №22 мектептерінің жоғарғы класс оқушылары,  қазақ тілі мен әдебиеті пәні мұғалімдері қатысты.

     2022 жылғы 28 ақпанда Н.Байғанин атындағы облыстық балалар кітапханасы мемлекет қайраткері, қазақ ғылымының бірнеше саласының  негізін қалаған ғалым, ақын, публицист, балалар әдебиетіндегі ірі тұлға А.Байтұрсыновтың туғанына 150 жыл толуына арналған «Ұлт көсемсөзінің көшбасшысы» онлайн-конференциясын өткізді.

     Шараның мақсаты - қазақ халқының әлеуметтік, саяси, мәдени, тарихи өмірінде орны айрықша зор тұлға – Ахмет Байтұрсынұлының халықтық тәлім-тәрбиелік ойларының негізінде оқушылар бойына адамгершілік, ұлтжандылық, отансүйгіштік қасиеттерді дарыту; ақын, қоғам қайраткері, педагог-ұстаздың құнды мұраларын дәріптеп, жас ұрпақты ұлттық рухта тәрбиелеу.

     Шараға Қостанай облыстық тарихи-өлкетану музейінің ғылыми хатшысы Нәзима Қуанышбайқызы Оташева қатысып, Қостанай облыстық тарихи-өлкетану музейінің қорындағы Ахмет Байтұрсынұлы жайындағы құжаттар туралы айтып, тарихтағы ұмытылмайтын істері,  саяси қызмет жолы,  қазақ тіліне қосқан үлесі мен  қазақ әдебиетіндегі елеулі орнын дәріптеді.

     «Желкен» әдеби клубының мүшелері ақынның шығармашылығы туралы ой бөлісіп, ақынның жырларын оқыды.

     2022 жылғы 25 ақпанда Н.Байғанин атындағы облыстық балалар кітапханасы  «Менің қояр сұрағым...» атты құқық сағатын өткізді.

     Шараның басты мақсаты – балалардың құқықтық санасын көтеру, құқықтық мәдениетін қалыптастыру.

     Шара қонақтары кәмелетке толмағандардың істері және олардың құқықтарын қорғау жөніндегі комиссия мүшелері Барлықова Қарлығаш Алтынбекқызы мен Құрманғазина Жұмагүл Төлегенқызы ситуациялық сұрақтар арқылы жасөспірімдердің құқықтық  білімдерін  тексере отырып,  азаматтық белсенділігін көтеріп,  заң алдындағы  жауапкершілікте жете түсіндірді және баршаны әдептілікке, тәртіптілікке, адалдыққа шақырды.

     «Бала қауіпсіздігі-ұлт қауіпсіздігі  » кітап көрмесіне библиографиялық шолу жасалды.