2024 жылдың  3 шілде  күні Н.Байғанин атындағы облыстық  балалар  кітапханасы «Кәмпит» жазғы демалыс лагерінде тарихтың куәгеріне айналған қасиетті қара домбыраны қастерлеуге тәрбиелеп, балалардың ой ұшқырлығын шыңдап, ата бабадан кәсіп болған дәстүрлі домбыраға қызығушылық сезімін оятып және өнер арқылы білімге терең бойлауға мүмкіндік тудыру мақсатында  «Ұлттық мұра - Домбыра» рух сағатын өткізді.

Шара барысында  киелі аспаптың шығу тарихы туралы шежіре- деректер, аңыз әңгімелер, Құрманғазы, Тәтімбет, Дина сияқты әйгілі күйшілердің мұрасы туралы мәліметтер  айтылып, жырлар оқылып, өнерлі оқырмандар күмбірлеген күй төкті.     

    Оқырмандар назарына «Қазақтың асыл-қазынасы» атты  кітап көрмесі ұсынылып, әйгілі күйшілердің, композиторлардың шығармаларымен, өмірімен, музыкалық аспаптардың шығу тарихымен таныстырылды.

2024 жылғы  21 маусым  күні   Нұрпейіс Байғанин атындағы  облыстық балалар кітапханасы «Шұғыла» жазғы балалар демалыс лагерінде «Оқитын дос іздеймін!» жазғы оқу  жобасы аясында шара ұйымдастырды.

         Шарада тілсіз тәрбиеші әрі сырлас досымыз  кітап оқуды оқырмандарға  насихаттап, қызықты ойындар мен зияткерлік тапсырмалар арқылы кітапқа деген қызығушылығын арттырды. Шара соңында кітапханаға жазылу ережесі түсіндірілді, сонымен қатар балалар өздерінің пікірлерімен бөлісті.

2024 жылғы 21 маусым күні «Шұғыла» демалыс лагерінде жас жеткеншектерді зиянды нәрселерден аулақ болуға тәрбиелеу мақсатында  «Бала қауіпсіздігі-ұлт қауіпсіздігі» ақпараттық сағат өткізді. Шара барысында денсаулық–тән, рухани және әлеуметтік игіліктің жиынтығы екендігі және денені үнемі ширықтыру, сананың сапа деңгейін көтеру, интеллект өрісін биіктету жөнінде айтылып, жастарды салауатты өмір салтын ұстануға шақырды. Шара соңында жеткіншектерге үндеу парағы таратылды.

2024 жылғы  18 маусым  күні   Нұрпейіс Байғанин атындағы  облыстық балалар кітапханасы «CAMPIT» жазғы балалар демалыс лагерінде «Оқитын дос іздеймін!» жазғы оқу  жобасы аясында шара ұйымдастырды.

         Шарада балаларға жаңа әдебиеттер таныстырылып, кітап оқу насихатталды. Балалардың қызығушылықтары оянып, кітапханаға жазылу ережесімен танысып, алған әсерлерімен бөлісті.

2024 жылғы 14 маусымда әкелер күніне орай  «Әке шаңырақтың тірегі» ертеңгілік  өткізілді.

Шараның мақсаты: әке мен бала арасында бір–біріне деген сүйіспеншілік пен тығыз қарым–қатынас қалыптастыру.

Шараға  кітапхананың  тұрақты оқырмандары  Бүркітбай Панасұлу әкесі Нұркен Бүркітбайұлымен, Байқазақ Айшабибі әкесі Медет Байқазақұлымен,  Дәрменов Елдос әкесі Үсен Дәрменұлымен, Жанай Риана әкесі Жанболат Жанайұлымен бірге қатысып, отбасындағы әкенің орны, үлгі-өнегесі туралы ойларымен бөлісті.

Шараға қатысушылар балалармен бірге «Бес саусақ», «Бейнені жалғастыр» ойындарын ойнап, қызықты сұрақтарға жауап берді. №15 «Жидек» балабақшасының бүлдіршіндері әкеге арнап ән мен жырдан шашу шашты.  

 Оқырмандарға  «Бақытты отбасы» атты кітап көрмесі таныстырылды.

2024 жылғы 7  маусым күні  «Кітап фестивалі - 2024» шарасы аясында «Табиғатты қорғау – болашақты ойлау» экологиялық шеру өткізілді.

Экологиялық шеруге Н.Байғанин атындағы облыстық балалар кітапханасының «Жасыл әлем» экологиялық клубының мүшелері,  М.Мақатаев атындағы №73 ЖББОМ,  Ж.Ташенов атындағы №68 ЖББОМ,   Х. Доспанова атындағы №14 орта мектеп,  М. Құсайынов атындағы дарынды балаларға арналған мамандандырылған лицей-интернатының, №2 мектеп-гимназиясының  оқушылары  қатысты.

Қалалық мәдениет үйінің Халықтық ұжымының «Сұңқар» вокалды ансамблінің, «Кристалл» тобының, «Әлия Қазақ би» ансамблінің,  Ж.Ташенов атындағы №68 ЖББОМ,  М.Мақатаев атындағы №73 ЖББОМ-ң өнерлі балалары  «Болашағы біз елдің»  мерекелік бағдарламасын ұсынды.

Балалар мен жасөспірімдер шығармашылығы орталығының бейнелеу өнері бөлімінің меңгерушісі Нұрберген Рахматов «Табиғат – сен – тіршілік тұнып тұрған»   шеберлік сағатын, №31 орта мектебінің қазақ тілі және әдебиет пәнінің мұғалімі, «Шолпы» қыздар клубының жетекшісі Орынай Бижанқызы Идрисова «Оюлар сөйлейді» тақырыбында дефиле өткізді.

«Табиғатты қорғауға шақырамыз!»  алаңында М.Құсайынов атындағы мамандандырылған лицей интернатының оқушылары өлең оқыса,  №2 мектеп-гимназиясының жас экологтары сахналық көрініс көрсетіп, табиғатты қорғауға шақырса, М.Мақатаев атындағы №73 ЖББОМ-ң   оқушылары әсем биімен қортындылады.