VII. Кітапханада кітаптарды пайдалануға жазылу тәртібі

7. Жеке басты куәландыратын құжаты және ата-анасынан кепілдемесі бар 15 (он бес) жасқа дейінгі балалар (туу туралы куәлік), мектеп оқушылары (оқу орнынан анықтама), жоғарғы оқу орындары және колледж студенттері (жеке куәлік - түпнұсқа), Ақтөбе қаласы және облысында тұрақты тіркелген Қазақстан Республикасының азаматтары мен азаматшалары жазыла алады және кітапхана пайдаланушысы бола алады.

7.1. Оқырман билетін алу үшін жеке басын куәландыратын құжаттарымен (көшірмесін тапсыра отырып) кітапханаға тіркеледі. Абономент бөліміне жазылу үшін оқу орнынан анықтама ұсынады және оқырман формулярын толтыру үшін мәліметтер береді. Оқырман мекенжайы өзгерген жағдайда, кітапханаға хабарлауы қажет.

7.2. Тиісті тәртіппен абонемент арқылы берілуге жататын кітаптарды оқырман балаларға 3 күннен 10 күнтізбелік күнге дейінгі мерзімге үйге беріледі және дәл сол сәтте басқа пайдаланушылар тарапынан сұраныс болмаған жағдайда, пайдалану уақытын кітапхана қызметіне телефон арқылы хабарласып, пайдалану уақытын 5 (бес) күнге ұзартуға болады.

7.3. Ересек адамдар, жоғарғы оқу орындары мен колледж студенттерінің оқырмандары оқу залынан қажет кітаптарды пайдалана алады, бірақ үйге алып кетуге тыйым салынады.

7.4. Пайдаланушылар кітапхананы пайдалану Ережелерімен танысып, тіркеу құжаттарын толтырып, Ережелерді орындау туралы келісімін қол қою арқылы растайды. Сондай-ақ, пайдаланушы қол қою арқылы кітапхана қорын мұқият пайдаланып, мекен-жай бойынша қызмет көрсетуді қамтамасыз ету, кітапхана қызметіндегі статистикалық есеп, пайдаланушы тұрғындардың әлеуметтік құрамын зерттеу үшін қажет болатын жеке мәліметтерін өңдеуге келісім береді.

7.5. Жыл сайын қаңтар айының алғашқы жұмыс күнінен бастап кітапханада тұрақты оқырмандарды қайта тіркеу жүзеге асырылады.

Кашкенова  Эльмира Сағындыққызы

Н.Байғанин атындағы Ақтөбе облыстық балалар кітапханасының директоры

Байланыс: Тел: 8 (7132) 97 50 63

Ақтөбе  облыстық   балалар  кітапханасы  1960  жылы  ашылып, сол жылы ақтөбелік ақын, жыршы Нұрпейіс  Байғанин  есімі  берілді.  

Ақтөбе облыстық Н.Байғанин атындағы балалар кітапханасының қорында 100 мың данада баспа құжаттары, соның ішінде 40 мың дана мемлекеттік тілдегі басылымдар құрайды.

Кітапханада көркем классикалық әдебиеттер, танымдық энциклопедиялар, сөздіктер, анықтамалықтар жинақталған.

Кітапхана жұмысының негізгі бағыты – әр оқырманның білім алып, интеллектуалды дамуы үшін ақпаратқа ашық қол жеткізуін қамтамасыз ету.

Балалардың рухани дүниетанымын қалыптастыруда кітапхана өлкетану, патриоттық тәрбие, тарих, экология, салауатты өмір салты, құқықтық тәрбие, кәсіптік бағдар беруде, әлемдік мәдениетті танып білу бағыттарында нәтижелі жұмыстар атқарып келеді.

Н.Байғанин атындағы облыстық балалар кітапханасында балалардың бос уақытын тиімді өткізуіне ықпал ету мақсатында  төменгі  сынып  оқушыларына арналған  «Жасыл әлем» экологиялық,  «Умники и умницы» қызығушылық,  жоғары сынып  оқушыларына  арналған «Атамекен» өлкетану-патриоттық,  «Желкен» әдеби, «Позитив» салауаттылық, «Шаңырақ»  отбасылық оқу  клубтары жұмыс жүргізеді. Клубтардың мүшелері жоспарға сәйкес бас қосады. Әрбір отырыста Ақтөбе облысына белгілі танымал адамдармен жүздесіп, ақын-жазушылар және тарихи тұлғалардың шығармашылығымен танысады.

Балалар кітапханасын заманауи компьютерлік құрал-жабдықтармен жасақтап, оқырмандарға қолайлы орта ұйымдастыруда көптеген жұмыстар жүргізілді. «Цифрлық Қазақстан» мемлекеттік бағдарламасын жүзеге асыруда кітапханаға «Web-РАБИС» бағдарламасы қондырылып, электронды каталог құрылды. Кітапхана қорын сандық форматқа көшіру мақсатында кәсіби «ЭЛАР Скан А2» сканері сатып алынды.

Балалардың оқу мәдениетін қалыптастырып, кітап оқуға тарту мақсатында көптеген жобалар жүзеге асырылды. «Байғанин оқулары», «Оқы, ақтөбелік өренім!», «Кітап. Тұлға. Рух», «Жанға жағымды кітап оқу», «Мейірімділік және қамқорлық»  жобалары  оқырмандардың  рухани дамуына көптеген мүмкіндіктер берді.